Gato Studio, con sede na Coruña, vén de compartir importantes novidades relativas a The Waylanders. Estas teñen relación directa cos esforzos despregados polo estudio para ofrecer unha recreación o máis fiel posíbel do que debeu ser a cidade onde se ambienta a aventura gráfica: a Compostela do medievo. Entre todas as edificacións que presenta o videoxogo destaca sen dúbida a Catedral románica, que amosa o seu impoñente deseño tanto exterior como interior, con detalles recoñecíbeis como o Pórtico da Gloria, unha fiel recreación do botafumeiro e referencias ós deseños do Mestre Mateo para a súa construción. Porén, o tempo compostelán por excelencia na súa feitura orixinal non é o único elemento reconstruído ao detalle. Este interese por achegarnos unha xanela á Compostela do medievo tamén se reflicte nos esforzos por reproducir os campos de cultivo con produtos da época, a zona de xustas, a prisión ou a taberna. The Waylanders é un RPG (siglas de Role-Playing Game), un xogo de rol