Nerea García Tato, alumna de 1º Bacharelato, fálanos sobre a súa obra favorita: Memoria da choiva. Non deixes de ler esta apaixonante novela negra ambientada en Santiago de Compostela.
A Aldara González Suárez, alumna de 2º ESO C, non a desencantou a lectura de Verdade, malia ser a segunda parte de Mentira. Escóitaa, porque estas obras son unha boa compaña para o verán que xa está a petar na porta.
Martín Serantes Varela, alumno de 3º ESO, malia a carga lectiva deste trimestre, conseguiu quitar tempo para unha das súas afeccións favoritas: a lectura. Hoxe fálanos de O diario vermello de Carlota.
Non sabes que ler? Sigue a nova sección que iniciamos hoxe neste blog e que agardamos teña continuidade en cursos vindeiros: Eu tamén son booktuber! Nela as lectoras e os lectores do Xelmírez I comentan as súas obras favoritas.
No Xelmírez tamén quixemos honrar a figura de D. Ricardo Carvalho Calero, sumámonos co noso alumnado a unha bonita iniciativa promovida polo Departamento de Lingua e Literatura Galega do IES de Ames.