O premio recibido por RadioClic!, en 'El Correo Gallego'

O instituto volve chamar a atención dos medios tras o premio acadado por RadioClic! no X Concurso de Traballo por Proxectos para o curso 2023-2024 convocado pola Dirección Xeral de Ordenación e Innovación Educativa no contexto do Plan LIA de bibliotecas escolares.

Esta vez, quen se fai eco desta boa nova é o xornal El Correo Gallego: "A Radio da biblio do Xelmírez I de Santiago gaña o X Concurso de Traballo por Proxectos"

RadioClic! - 2023/2024

RadioClic! ten un sitio web propio no que se poden seguir todos os pasos dados para desenvolver os proxectos da radio da biblioteca durante o curso académico 2023-2024, incluída a proposta final.

Durante ese curso académico, participaron na radio na Biblio os departamentos de Alemán, Artes plásticas, Castelán, Economía, Educación física, Filosofía, FOL, Francés, Galego, Imaxe e son, Informática, Inglés, Música, Relixión católica, Tecnoloxía e Xeografía e historia, así como o 42,2% do alumnado do instituto. 

Botádelle unha ollada seleccionando a imaxe!

Grazas e parabéns ao alumnado, ao auxiliar de conversa, Paul, e máis ao profesorado participante!

Non hai fronteiras para a nosa lingua!

No Xelmírez I conmemoramos o Día da Lingua Inicial e o Día de Rosalía, e uníronse todas as voces para cantar alto e claro que "Non queremos fronteiras para a nosa lingua!". 

 

Terra

De Galicia, para o mundo. 

 

A música de Virtudes (e misterios)

Se queres, podes acompañar a túa lectura coa música da novela que Xesús Fraga subiu a Spotify, e recorda que o próximo martes ás 18:00h temos unha xuntanza co autor.

 

De amor e desamor

Ser quen de identificar os sinais de alarma nunha relación tóxica é algo que sabe facer con mestría o noso alumnado de 4º de ESO. Xulgade por vós mesmas estas infografías realizadas despois da lectura de Amor amargo. 

Tamén Narf, interpretando a Rosalía, dá coas claves dos "Bos amores". 

 

Hasme oír, A banda da loba

A banda da loba homenaxea a Xela Arias

Freixo

Mudamos fronteiras por pontes, con Guadi Galego

Mañá, xoves, o IES Arcebispo Xelmírez baleira as aulas e abre as portas para acoller a Guadi Galego. Con ela mudaremos fronteiras por pontes! Veredes o resultado en breve.