O instituto volve chamar a atención dos medios tras o premio acadado por RadioClic! no X Concurso de Traballo por Proxectos para o curso 2023-2024 convocado pola Dirección Xeral de Ordenación e Innovación Educativa no contexto do Plan LIA de bibliotecas escolares.
Esta vez, quen se fai eco desta boa nova é o xornal El Correo Gallego: "A Radio da biblio do Xelmírez I de Santiago gaña o X Concurso de Traballo por Proxectos"
RadioClic! ten un sitio web propio no que se poden seguir todos os pasos dados para desenvolver os proxectos da radio da biblioteca durante o curso académico 2023-2024, incluída a proposta final.
Algúns momentos da fase previa do Concurso Internacional de Leitura em Português, organizado polo Instituto Camões, e celebrado hoxe na Biblioteca do noso centro.
Parabéns ás gañadoras: Lupe Otero, de 3º ESO, e Erea Vidal, de 1º Bacharelato. Moi agradecidas co “iuri”, especialmente á profesora Isabel Morán, que se trasladou ata o noso centro para participar da selección.
Gústache a poesía? O festival de poesía organizado polo Concello de Santiago conta nesta edición cun certame literario. Participa!
Tema: cambio de clima e legados culturais da vida
Poema: mínimo 14 versos e máximo 55
Prazo: 16 de febreiro
Premios: ESO 300 €. Bacharelato e Ciclos Formativos 1º grao 400€ Premio Respira! by Biblioteca Xelmírez I on Scribd
HOMENAXE A RITA SUÁREZ AMADO
XVIII CONCURSO LITERARIO DE RELATO CURTO E POESÍA
BASES
1ª - Poderá participar todo o alumnado da ESO, Bacharelato e FP que o desexe. As bases serán publicadas na web do instituto e será comunicado a todos os centros da Comunidade Autónoma.
2ª - Estableceranse tres niveis de participación:
I.- 1º e 2º de ESO.
II.- 3º e 4º de ESO.
III.- Bacharelato.
3ª - As obras poderán vir redactadas en Lingua Galega ou en Lingua Castelá.
4ª - O tema será de libre elección polo autor/a. Os relatos ou os poemas deberán ser orixinais na súa totalidade, rigorosamente inéditos. Así mesmo establécese que non poderán ter sido premiados nin seleccionados nun concurso literario anterior e igualmente que unha mesma persoa non pode obter dous premios.
5ª - Nos traballos presentados non constará o nome ou identificación do autor/a, e asinaranse con pseudónimo. Presentaranse nun sobre grande pechado en cuxo exterior figurará o título da obra, a categoría na que concursa (relato curto ou poesía), nivel de participación (I, II, III) e o pseudónimo. No interior do sobre grande, introducirase outro máis pequeno pechado que conterá unha nota cos datos seguintes: título do relato ou poema, nome, apelidos, curso, centro, domicilio e teléfono do autor/a e unha dirección de correo electrónico.
6ª - Os relatos ou as poesías presentaranse en follas de formato DIN A4 escritas a unha soa face, a dobre espazo e como tipo de letra a Times New Roman 12. As obras non deberán exceder os cinco folios. O Xurado resérvase, dunha banda, o dereito a admitir aqueles escritos que excedan lixeiramente a extensión citada, e doutra, o dereito a corrixir aquelas cuestións de ortografía que non se ateñan ás normas académicas correspondentes (RAE para o idioma castelán, RAG para o idioma galego).
7ª - Aceptarase só un máximo de dous traballos por autor/a en cada categoría (relato curto ou poesía).
8ª - A entrega de premios realizarase no Acto-Homenaxe a Rita que terá lugar o 17 de marzo de 2023, no IES Eusebio da Guarda.
9ª - O prazo de admisión dos orixinais finalizará o venres día 16 de febreiro de 2023. A entrega das obras farase directamente na Conserxería do IES Eusebio da Guarda ou por correo á dirección: IES Eusebio da Guarda: Pza. de Pontevedra 20, 15003-A Coruña, especificando “Concurso Literario Rita Suárez Amado”. Só se admitirán os traballos recibidos no Instituto ata o día 16 (incluído o 16, xoves), o cal deberá ser tido en conta por aqueles participantes que non os entreguen directamente na Conserxería.
10ª - A Comisión Organizadora formada por Dona Isabel Ruso de Lago, Dona Benigna Vidal Tomé e Dona Mª Teresa Fraga Cisneros (IES P. Eusebio da Guarda) designará un Xurado Cualificador que será quen decida sobre calquera dúbida que poidan orixinar estas BASES, sendo o seu fallo inapelable.
11ª - O fallo do concurso farase público no acto de entrega de premios da XVIII edición (data por determinar). A Comisión Organizadora resérvase o dereito da publicación dos traballos presentados. Os premiados/as comprométense a entregar as obras por medio do correo electrónico, á organización con vistas á súa futura publicación.
12ª - Os relatos ou poesías orixinais devolveranse a todos os autores/as que o soliciten, nun prazo non superior a tres meses desde a data da votación e comunicación dos resultados. Transcorrido dito tempo, os traballos que non foran reclamados non se devolverán.
13ª - A participación neste Concurso significa a plena aceptación destas Bases e do fallo do xurado.
Para calquera información adicional deberanse dirixir á Vicedirectora, Dª Mª Teresa Fraga Cisneros (881-960060/61 // correo electrónico ies.eusebio.guarda@edu.xunta.es).
Páxina Web: http://www.eusebiodaguarda.com/
Agora que imos comezar a traballar coa radio e, dado que en breve seredes xa uns excelentes locutores e locutoras radiofónicos, animádevos a participar no II Concurso de Podcast Escolar, convocado por RNE.
Consulta aquí as bases completas
Plazo de presentación: 30 de abril
Presentación: la participación se realiza mediante la presentación de un archivo de audio (podcast) que puede tener formato de programa, informativo, reportaje, documental o ficción sonora (cuentos, fábulas, recreaciones históricas...). Puede ser real o inventado, serio o divertido; grabado en directo o con postproducción, con una duración máxima de 5 minutos y en castellano
En colaboración coa Biblioteca do
I.E.S. Mª Soliño
1. Haberá dúas categorías:
A-Para alumnado de primeiro e segundo
ciclo de E.S.O.
B-Para alumnado de 1º e 2º de
Bacharelato e Ciclos de grao medio.
2. Concederanse tres premios na categoría A
-Primeiro premio-150 euros.
-Segundo premio- 75 euros.
-Terceiro premio- 50 euros.
3. Concederanse dous premios na categoría B
-Primeiro premio-200 euros.
-Segundo premio- 125 euros.
4. Os poemas deberán estar escritos en lingua galega.
5. Cada participante presentará un mínimo de tres poemas, e un máximo de cinco.
6. Presentaranse tres copias, mecanografadas, dos poemas.
7. Remitiranse ó I.E.S. María Soliño (Monte Carrasco, nº 14 / 36940 CANGAS) nun sobre no que constará unicamente un seudónimo e a categoría á que pertence. Dentro dese sobre introduciranse os poemas e unha plica cos seguintes datos: nome, enderezo, teléfono,centro no que cursa estudos e certificado de estar matriculado no centro.
8. Realizarase unha publicación
cos poemas gañadores, da que a organización se reserva todos os dereitos.
9. O prazo de entrega rematará o día 11 de Xuño.
10. A composición do xurado e o seu fallo faranse públicos no acto da entrega de premios, que terá lugar o 21 de Xuño no IES María Soliño, acto ao que se comprometen a asistir as persoas premiadas.
Cangas, 11 de maio de 2021
A oficina de Igualdade do Concello de Lalín convoca a XVII edición do concurso de cartas "Dillo a quen maltrata" e a VIII do “Concurso de Tuits contra a Violencia de Xénero ”.
Anímate a participar e une a túa voz contra o maltrato!
Consulta aquí as bases para o concurso de Cartas/ Chíos
Recorda que o prazo remata o 5 de novembro
Concurso de cartas:
1º premio: Tablet Android 10,1” 32 GB
2º premio: Tablet Android 7” 8 GB
3º premio: Lector de libros multimedia 7” 4 GB
Concurso de Chíos:
Tablet Android 32GB 10.1” e un diploma acreditativo
Querido papá:
Sabes que sempre fun a pequena, a forte, a insistente, aquela que construíu un
camiño de ansiedade ó redor dos teus pasos, un camiño redondo, para que te
perdeses, para que non saíses dese círculo de inverno, para que non foses quen
de volver a casa, para que nos deixases en paz, a min, ás miñas irmás e, sobre
todo, a mamá, a esa mamá silenciosa, á mamá que nunca dixo nada, á que calou para
sempre ante os teus berros, ante cada frase de golpes, ante cada manifestación
da túa impotencia, ante cada puño, contra toda a ira, baixo o viño, contra a
túa paixón por non dialogar, por non dicir nada que os teus cotelos puidesen
resumir.
Ti sempre fuches
pequeno, amortecido, constrinxido pola repetitiva aliteración de movementos
automatizados naquela enorme fábrica de coches, un traballo antipersoa de seis
a dous, a comida lista a e media, a partida no bar ás tres, catro coñacs antes
das cinco e cantabas vinte, logo corenta, dez de últimas contra a seis.
"Ogallá gañe", pensabamos todas cheas de medo; pero tanto tiña. O son
do teu seiscentos presaxiaba a tormenta, o renxer airado do portal metálico,
lóstregos de carraxe nas túas pupilas, un trebón de silencio antes da choiva, e
logo ti, ti sen escusas, ti sen fundamento, ti sen límite establecido, unha
riada de ti bañada en ti, mesturada en alcol, inmensurable, incontrolable, ti.
Aínda hoxe, non
podo crer que que os veciños non nos oíran, que as árbores non nos oíran, que o
tanguer da campá non se eclipsase ante o fedor a culpa, que a insistente
brétema vermella dos ollos de mamá non alzase preguntas na igrexa, que o
cura non cuestionase, que ninguén movese un dedo máis que para pousalo nos beizos
dos nenos, no corazón da conciencia, no botón de borrar o baleiro da besta.
Non o podo crer,
non podo crer que os teus amigos che compartisen baralla, que o rei de bastos
non vomitase, que a sota que tanto che repugna non che cuspise, que o cabalo
obedecese as túas ordes de saltar á mesa. Se cadra quería fuxir, coma min.
Quizais ese cabalo e mais eu fomos os únicos que pensamos en facelo, eu polas
espadas, ti quedarías nas copas, afogado no tinto do noso sangue, no vinho
verde da nosa bile, no branco manchado do “que dirán”.
Quérote papá, a
pesar de todo quérote, como te queren as túas outras fillas, ou mellor, como te
queren as túas esposas, esa de carne a quen maltratabas e as outras de metal,
as que che obrigan agora a xuntar as mans para subir ó coche patrulla,
imaxinarei que para pedir perdón, imaxinarei que acepto as túas desculpas.
Todas te queremos, papá, e que vivises foi a nosa decisión, soportarte foi a
nosa decisión, pero non a das nosas fillas. Non podemos pasarlle esa herdanza.
Non queremos a túa herdanza, papá. Querémoste a ti, a onde queira que vaias.
Adeus Papá
Francisco Javier Fernández Gañador do concurso Dillo a
quen maltrata, 2017
