Sabes facer un booktrailer?

Esenciais da USC: un recurso en liña para profesorado e alumnado

A librería dixital da USC vén de poñer en aberto 40 títulos que integran a colección Esenciais USC, un recurso que serve para apoiar o traballo do profesorado e do alumnado, e que resume en moi poucas follas o contido dunha materia. 

Consúltaos: Libraría Dixital da USC.

Accede dende a casa ao catálogo da nosa biblioteca

 

Sabías que dende a túa propia casa podes acceder ao catálogo de libros da biblioteca do instituto? 

Pois si!

Dende esta URL https://iesarcebispoxelmirez.edubib.xunta.gal/cgi-bin/koha/opac-main.pl consulta todos os rexistros cos que contamos, cales están dispoñibles para empréstito, as últimas novidades, os libros máis prestados das últimas semanas...

Despois só tes que achegarte nun recreo ou hora libre e levar o libro que máis che interese! 

O Museo do Prado abre unha illa no videoxogo de simulación social Animal Crossing: New Horizons

 

O Museo Nacional do Prado en Animal Crossing: New Horizons  vén de crear un videoxogo para achegar a súa colección ao público xuvenil. Anímate a xogar e terás a oportunidade de percorrer física e virtualmente cinco itinerarios temáticos a través de cápsulas en vídeo que atoparás nun microsite coas obras e artistas máis recoñecidas do museo. Ademais, poderás pasear entre as paredes da Quinta do Xordo de Goya e descubrir as súas famosas pinturas negras.  E poderás aínda descargar e gardar mediante códigos QR todas as obras de artistas como o Greco, Velázquez, Rubens ou Goya.

 A xogar! 

 

Nace Somos Cultura, unha web para fomentar o consumo de contidos en galego entre a xente nova

Estes días púxose en marcha, dende o Campus de Pontevedra, unha páxina directamente encamiñada a fomentar o consumo de contidos en galego entre a mocidade. Trátase da páxina Somos Cultura, impulsada polo estudante Carlos Cerecedo de Comunicación Audiovisual.

Cerecedo optou por centrar o seu proxecto nos contidos que se difunden e consumen a través da Rede, dos que, apunta, “só o 4% están en galego”. Baixo esta premisa, desenvolveu unha plataforma, dividida por áreas, na que as e os visitantes poden atopar os enlaces ás contas de streamers e youtubers que na nosa lingua, a podcasts neste idioma ou aos perfís en plataformas como Spotify de artistas e grupos musicais. 

Do mesmo xeito, SomosCultura tamén reúne unha escolma de influencers que se caracterizan polo uso do idioma e enlaces a diferentes contas de Twitter ou Instagram, organizados á súa vez en subseccións, como humor, gastronomía, entretemento, videoxogos ou medios de comunicación. Tamén achega unha ligazón directa á plataforma Twitch en galego, reunindo unha serie perfís desta rede social.

Galaxia pon na rede os 200 primeiros números completos da revista 'Grial'

 

Desde este pasado 2 de xuño, calquera persoa pode acceder de maneira online e en formato PDF aos 200 primeiros números de Grial. A través dun enlace na súa web, Editorial Galaxia ofrece a posibilidade de mergullarse na historia completa da Revista Galega de Cultura que saíu á venda por primeira vez, e por 50 pesetas, no terceiro trimestre de 1963. 

Le a nova completa en Praza Pública.

Nova ferramenta do servizo de Normalización da USC para mellorar os correctores lingüísticos dos ordenadores

Aprende a crear e a compartir carpetas en Drive

Carpet as Com Partida Sen G... by Biblioteca Xelmírez I

Como facer banda deseñada

Recorda que o 31 de marzo remata o prazo de presentación de traballos para o VII Certame de Banda Deseñada "AXI",  convocado polo Equipo de Dinamización da Lingua Galega e os Departamentos de Debuxo, Artes Plásticas e Imaxe do noso centro. 

Se aínda non remataches a tarefa, bótalle unha ollada ao seguinte recurso. 

Aproximación ás características do cómic from xanocebreiro on Vimeo.