RadioClic! - 2023/2024

RadioClic! ten un sitio web propio no que se poden seguir todos os pasos dados para desenvolver os proxectos da radio da biblioteca durante o curso académico 2023-2024, incluída a proposta final.

Durante ese curso académico, participaron na radio na Biblio os departamentos de Alemán, Artes plásticas, Castelán, Economía, Educación física, Filosofía, FOL, Francés, Galego, Imaxe e son, Informática, Inglés, Música, Relixión católica, Tecnoloxía e Xeografía e historia, así como o 42,2% do alumnado do instituto. 

Botádelle unha ollada seleccionando a imaxe!

Grazas e parabéns ao alumnado, ao auxiliar de conversa, Paul, e máis ao profesorado participante!

Compostela no Medievo: Diego Xelmírez

Que sabes deste galego poderosísimo que dá nome ao teu centro? Escoita a Brais, Martín, Mateo e Pablo. 

 

Compostela no Medievo: Códice Calixtino

Como era a nosa cidade no século XII? Con que perigos se enfrontaba o peregrino que chegaba de Francia? Que pobos e que igrexas ían nacendo á par do camiño? Destes e doutros aspectos de interese dá conta a Guía do Peregrino, libro V do Códice Calixtino, unha xoia da literatura e da música medieval, da que nos falan María, Ane, Sofía e Nerea Yanina. 

 

Compostela no Medievo: Ser muller na Idade Media

Aínda que o papel asignado á muller medieval foi de subordinación, algunhas desafiaron estes modelos e cultivaron as ciencias, as artes e o pensamento; outras participaron do traballo nos gremios. Lola, Andrea, Sara e Áurea fálannos delas.

 

Radio teatro para conmemorar o 25 de abril

O alumnado de português de 1º  e 2º ESO conmemorou o 25 de abril recordando a Revolução dos Cravos. E para iso gravaron dúas pezas de radioteatro, tituladas, respectivamente, A ação militar e popular no dia 25 de Abril de 1974 e O País das Pessoas Tristes. 

Esperemos que gocedes ao escoitalas!   

 Escucha"Radio Teatro #25AbrilSempre (1)" en Spreaker.

Escucha"Radio Teatro #25AbrilSempre (2)" en Spreaker.

Radio na Biblio: Reimundo Patiño

E seguimos cos podcast de radio feitos baixo a dirección de Alexandra Pacheco. Desta volta o alumnado de 4º ESO fálanos de Reimundo Patiño.

Escucha"Quen foi o ilustrador Reimundo Patiño?" en Spreaker.

Estamos de estrea: radio na Biblio!

Iniciamos as emisións de Radio. Cloe, Iago, Manuel e Laura, de 4º ESO, baixo a dirección da súa profesora Alexandra Pacheco, realizaron este podcast que ía ser emitido o pasado Día da Ilustración. 

Longa vida á radio no Xelmírez!  

Escucha"Castelao ilustrador" en Spreaker.

II Concurso Nacional de Podcast Escolar de RNE

Agora que imos comezar a traballar coa radio e, dado que en breve seredes xa uns excelentes locutores e locutoras radiofónicos, animádevos a participar no II Concurso de Podcast Escolar, convocado por RNE. 

Consulta aquí as bases completas

Plazo de presentación: 30 de abril

Presentación: la participación se realiza mediante la presentación de un archivo de audio (podcast) que puede tener formato de programa, informativo, reportaje, documental o ficción sonora (cuentos, fábulas, recreaciones históricas...). Puede ser real o inventado, serio o divertido; grabado en directo o con postproducción, con una duración máxima de 5 minutos y en castellano

Premios:

• La visita de un equipo de RNE al colegio ganador en cada categoría para la grabación/emisión de un programa de radio de emisión nacional.
• 1 año de plataforma gratuita en Eloquenze.com
• Un lote de productos de RTVE.

 

Xoves e venres, radio!

Este xoves alumnado de 3º e 4º ESO asistiu a un obradoiro de Podcasting impartido por Arraianos Producións e patrocinado pola Secretaría Xeral de Política Lingüística.

Consideramos que é un bo xeito de traballar a oralidade de maneira atractiva e ligar a lingua a algo tan significativo para o noso alumnado como son as novas tecnoloxías, así que mañá tocan outras dúas quendas!