Orgullo para o IES Xelmírez I, orgullo para as actrices e os actores de Vai no dentista e orgullo para todo o profesorado ao comprobar que, un ano máis, a Fundación Coca Cola nos distingue co galardón autonómico de teatro xove.
Nos últimos nove anos Vai no dentista foi recoñecido en cinco ocasións, erixíndose gañador entre todos as obras presentadas na nosa Comunidade Autónoma. Non é froito da casualidade senón dun traballo conxunto e continuado ao longo dos cursos no que o rostro visible é o do alumnado mentres que detrás dos focos está o apoio incondicional dos pais e nais, do equipo directivo e de todo o profesorado do centro.
Cremos no teatro, que se converteu para nós en actividade formativa esencial dentro do proxecto educativo do Xelmírez. O labor desenvolvido trascende a aprendizaxe textual e a formación actoral: música, baile, canto, pero tamén dinámicas de cohesión de grupo, expresión corporal, traballo en equipo... sen esquecer a influencia que este tipo de actividades ten no resto do alumnado.
Parabéns e forza para seguir ao seu profesorado Sagrario Torrado e Daniel Baamonde!
Comentarios
Publicar un comentario