As alumnas e os alumnos de ESO 1ºA empezaron hoxe a coñecer o funcionamento da biblioteca. Acompañados pola titora, a profesora Nuria Quintas, puideron ver o vídeo "Esta é a nosa biblio", descubriron o contido do sitio web do instituto, e en especial da sección da biblioteca, recibiron toda a información sobre o decálogo de bo uso, observaron como están organizados os andeis por temas segundo a clasificación decimal universal (CDU), aprenderon a ler as etiquetas que leva cada un dos libros e finalmente participaron nun concurso en que, coa axuda do catálogo en liña, que puideron consultar no móbil, tiveron que localizar varias obras. A semana que vén tocaralles a ESO 1ºB e C!
(Aquí hai un par de fotos desta actividade: Galería "Como funciona a biblioteca?")
Ningún comentario:
Publicar un comentario