Contra as violencias, educación

Queremos para o noso alumnado unha sociedade igualitaria e xusta, e non temos dúbida de que a educación é unha arma poderosa para acadala. 

As actividades sucedéronse e seguen a sucederse no centro ao longo destes días: unha vitrina coeducativa, un mural con 25 citas literarias no que o alumnado toma a iniciativa e reacciona en primeira persoa contra cada unha delas, un photocall que seguirá activo varios días, moito traballo de aula e xuntanza colectiva para a lectura dun manifesto, elaborado polo profesor Jorge Castro, no que se reivindica o espazo para unha nova masculinidade. 

Os homes do Xelmírez I souberon ver que esta é tamén a súa loita. Grazas a todos por ser aliados, e o noso recoñecemento particular a Jorge Castro e ao alumno Antón Carballal polo manifesto. Percorreremos xunt@s o camiño cara a un futuro mellor!

O feminismo adquiriu estes últimos anos a forza e a importancia que lle valeron a súa chegada á política, ós medios, ó cine, á literatura, ás redes, ás institucións... Pero non podemos enganarnos: aínda queda moito que facer, moito polo que loitar. Se esta loita avanzou tanto xa foi grazas ás súas protagonistas, as mulleres. Pero nós, os homes, non podemos ficar coma meros espectadores, tamén temos un papel que xogar se queremos que se produza un cambio de verdade, se queremos que se acade a igualdade. 

Así comezaba o manifesto,  le o texto completo.