“Para fomentar o desenvolvemento sostible, os educandos deben ter acceso á educación na súa lingua materna e noutros idiomas. É a través do dominio da primeira lingua ou lingua materna que se adquiren as habilidades básicas de lectura, escritura e aritmética. As linguas locais, especialmente as minoritarias e indíxenas, transmiten culturas, valores e coñecementos tradicionais, desempeñando así un papel importante na promoción dos futuros sostibles”.
UNESCO
O Equipo de Dinamización da Lingua Galega e o Equipo de Biblioteca do IES Arcebispo Xelmírez, co desexo de converter este día nunha xornada festiva que convide á reflexión, deseñamos un completo programa de actividades do que vos damos conta a seguir. A nosa gratitude para todo o profesorado e o alumnado que coas súas achegas o fixo posible.
1. Relatorio de Max Jean Zins, xeopolítico e director de inventigación honorario do Centro Nacional de Investigacións Científicas. Asistirá o alumnado de 1º bacharelato A e B.
2. Relatorio A ciencia das letras, impartido por Jorge Mira, Catedrático de Electromagnetismo na facultade de Física. Asistirá o alumnado de 1º bacharelato C e D.
3. Microteatro. Actores e actrices do noso grupo de teatro Vai no dentista, dirixidos por Daniel e Sagrario Torrado, interpretarán seis obras miúdas baseadas en textos de Séchu Sende, Fran Alonso e Manuel Núñez Singala.
- "Estudo sociolingüistico sobre a mocidade baixo os efectos das drogas": Daniel Baamonde, Mario Magariños, Irene Ouzande, Brais Vila e Sagrario Torrado.
- " A vendedora de palabras": Catalina Figueroa e Cristina Garea.
- "Desviación de chamada": Martín Becerra e Ereyusalem Fernández.
- "Na oficina de obxectos perdidos": Martín Becerra e Ereyusalem Fernández.
- "Pais e fillos": Aitana Suárez e Iria Vázquez.
4. Reparto das chapas que resultaron gañadoras no I Concurso de Deseño de Chapas, e exposición das mellores propostas presentadas ao certame.
Comentarios
Publicar un comentario