A lectura é a chave para o éxito escolar, persoal e social do noso alumnado e, en consecuencia, o seu fomento correspóndelle ao conxunto da comunidade educativa. O equipo de traballo da biblioteca do IES Xelmírez I traballará conxuntamente con todos os axentes implicados neste proceso e procurará deseñar as estratexias necesarias para acadar o seu compromiso e a súa participación.
Dado que o papel mediador desempeñado polas familias é fundamental, queremos convidalas a que asuman a súa responsabilidade e trasladarémoslles a idea de que a lectura tamén é un instrumento para o fortalecemento dos afectos e das relacións entre as persoas que debe comezar no fogar. O seu exemplo será o mellor aliado na educación do hábito lector e na consecución de lectores e lectoras competentes.
Comentarios
Publicar un comentario