Biblioteca Xelmírez I

   

  Recordamos hoxe o noso galego máis ilustre e universal. 

Cantas escritoras e escritores composteláns coñeces? Sabes que outras moitas fixeron referencia nas súas obras á nosa cidade? Un bo número de novelas desenvólvense nas rúas que ti transitas a miúdo, cruzaríaste con algún dos personaxes ou será acaso algún deles veciño do teu edificio? Visita Compostela literaria , a páxina que vén de poñer en marcha o Concello de Santiago, alí atoparás  roteiros, scape room e moita información de interese para saber algo máis do lugar onde vives.

Unha sesión ben interesante que permitiu falar moito sobre as nosas pelis favoritas, pero tamén analizar O lapis do carpinteiro , ver como se traslada a linguaxe literaria á linguaxe cinematográfica e analizar un guión técnico. Grazas, Spencer por facernos amar o cine. 

  Despois dunha boa dose de intriga, amor e misterio que nos atraparon e nos fixeron gozar da lectura, poucas cousas hai que nos gusten tanto como coñecer ao creador dos nosos personaxes favoritos.  Grazas, César, por facer todo tan fácil e por acompañarnos nesta andaina.  

 Seguimos a falar das Lágrimas de Siva. Vén á biblioteca este martes 24 ás 14:30 h.

A banda deseñada máis actual, libros para @s amantes da ciencia e moito máis. Pasa pola biblio, olla e leva un exemplar para esta fin de semana! 

 Non faltes o 26 de xaneiro. Spencer analizará para nós O lapis do carpinteiro!

Grazas, César, pola complicidade, por acompañarnos e por seguir afondando nesta obra que tanto nos gustou!

  1.      O último libro que liches... Tierra de mujeres da poeta e veterinaria María Sánchez (2019).      2.      O libro que mudou o teu xeito de pensar Sexual politics , de Kate Millett (1970), que mudou a miña ollada sobre a literatura, o cine, o teatro, á arte e os seus nesgos patriarcais. Xa era feminista cando o lin, mais a partir deste libro apliquei esa ollada tamén á literatura, á arte.      3.      Un libro que relerías      Releo moitos, mais de escoller un Dart (2002, nome dun río) da poeta inglesa Alice Oswald.       4.   Un libro que recomendarías Pecados veniais , de Nazaret López (2022) e os tres citados antes. 5.      Un dos primeiros libros que liches na escola Na escola, o Colexio do Sagrado Corazón, Rosales, Madrid, non me mandaron ler ningún libro (os mitos de que o ensino era mellor antes son mentira) , até os 12 anos Las inquietudes de Shanti Andía, de Pío Baroja que resultou inadecuado para a miña idade. Porén, na miña casa, lía todos os libro

Ás veces cómpren lecturas que nos acompañen e nos axuden a descubrir a nosa identidade: quen somos e quen desexamos ser. Ese é o propósito co que naceu o club LGBTIQ+, que desta volta non propuxo dúas obras inclusivas e optimistas: El beso número 8 e Orgullo y pompones. Grazas Sagrario, Dani e Laureano por esta tarde distinta.   

Alimento para o corpo e para o espíritu tiveron os alumnos e alumnas de  3º ESO que decidiron quedar a mediodía para analizar O derradeiro libro de Emma Olsen . Como a biblioteca estaba ocupada con outro club, tivémonos que trasladar a unha aula. Dicía alguén que @s  adolescentes non len?

  As xuntanzas de Palabras Compartidas nunca defraudan e, aínda que a imaxe non dá conta de todas as persoas asistentes, o grupo segue a medrar. Grazas, Marilar, por compartires connosco o teu tempo, e benvida, Nuria, que sigas moito tempo entre nós!  Achegámonos ás Malas mulleres: A- Co A de Arenal, a Visitadora do cárcere de Galeras. As súas medidas humanizadoras espertan o anoxo do alcaide porque é unha indignidade que unha muller ande axexando. O seu cese conlevará a eliminación do cargo, xa que a xustiza é un morcego esquivo e aínda que unha crea que está danzando ao ritmo que lle marcamos, subitamente enxamea, muda de rumbo no luscofusco sen   que poidamos enxergalo. S- Co S de Sisca coprotagonista desta historia. No cárcere fala pouco porque as palabras dunha muller valen pouco e as dunha presa nada. A súa desgraza persoal vén determinada pola orixe social,   xa que o pan da xustiza debería estar amasado con fariña, mais nel agóchanse vermes. Non quere levar a vida d