Biblioteca Xelmírez I

Magnífico o roteiro literario que os alumnos e alumnas de 3º ESO fixemos o martes. Once portas , lectura obrigada deste trimestre, achegounos á historia da nosa cidade, e o seu autor, Héctor Cajaraville, conduciunos por cada unha das portas da antiga muralla; e mesmo por esa onceava porta da que nada se sabe, pero á que nos remite o topónimo Poxigo do Souto.  Grazas, Héctor, polo teu tempo e por axudarnos a coñecer un pouco máis a nosa contorna. 

B   co B saudamos a Berta, esta conveciña compostelá que, malia a súa xuventude, xa ten un lugar de seu na literatura galega. Pero tamén eliximos o b para falar da beleza que conleva a palabra poética nesta obra, escrita con pulso de miniaturista e que precisa ser lida con pupilas miopes, atendendo a cada punto. E o E da enfermidade que ás veces pode aparecer repentinamente coma o cabalo negro dun carrusel no que xiramos todos, arriba e abaixo, saudando desde a roda.   R co R que relaciona a música e as matemáticas porque a única diferenza entre elas é o fío, a narrativa e é de aí de onde nace a devoción da protagonista polas caixas de música, carentes totalmente de narrativa pero pletóricas de encanto. T o T da tempa dereita, acariñada polo avó Gonzalo cos dedos cheos de cinsa que transformaban o signo do abandono e do desamparo en signo de amor. Esa mesma cinsa que   cobre de tal maneira os seus libros que un non debería ser quen de soprar sobre eles sen t

Educamos contra a violencia porque o noso alumnado será o responsable de crear unha sociedade máis igualitaria, e cremos no poder da educación para levala a cabo. 

Agardámoste o martes, 3 de decembro, no club de lectura de adultos. Desta volta poderemos compartir a palabra coa autora da novela gañadora do Premio García Barros. 

Recorda que mañá remata o prazo do Certame de Fotografía Matemática convocado pola nosa biblioteca e o Departamento de Matemáticas! BASES:  1.   Participantes . Poderá concursar calquera membro do alumnado que presente unha obra inédita, que non fora premiada ou seleccionada noutros certames.   2.   Tema . O tema é a relación da nosa contorna coas matemáticas. As imaxes deberán estar relacionadas co mundo matemático nas súas múltiples manifestacións (xeometría, mosaicos, simetrías, cálculo numérico, estatística e azar...) 3.   Datos ténicos :     A s fotografía s poderán ser en branco e negro ou en             cor.  Presentaranse en formato dixital JPG ou TIFF, coa máxima         calidade.    D eberán levar cadanseu título que faga referencia de maneira orixinalao contido matemático da obra, así como unha breve descrición dos elementos matemáticos que o autor ou autora tentou captar.       O  número de imaxes por

Magnífico o pouso que deixou a xuntanza arredor de O último barco . Domingo Villar non puido asistir ao noso centro pero respondeu amablemente o cuestionario lector de Palabras Compartidas que queremos compartir con vós.  Igrexa de Tirán   1.    O último libro que liches... Sálvora , de Julio Vilches. 2.    O libro que mudou o teu xeito de pensar... Foron dous: Gaia , de James Lovelock e os Ensaios, de Montaigne. 3.    Un libro que relerías... Releo cada non demasiados anos A illa do tesouro , de Stevenson. 4.    Un libro que recomendarías. Dos recentes recomendaría Una lección olvidada , de Guillermo Altares e máis Herido leve , de Eloy Tizón.   Se ten que ser novela recomendaría Cualquier otro día , de Dennis Lehane (malia non ser tan recente coma os outros). 5.    Un dos primeiros libros que liches na escola... Charlie e a fábrica de chocolate de Roal Dahl. 6.    O libro que non remataches de ler... 7.    A autora ou o autor do que máis libros tes

O alumnado de 2º ESO felicítanos o día cunha selección de citas sobre as bibliotecas.  Unha biblioteca é un lugar onde aprender o que os mestres tiñan medo a ensinar.                                                                                     Alan M. Dershowitz A biblioteca é   máis democrática que calquera institución porque ninguén pode dicirche que ler, nin cando, nin como.                                                                                     Doris Lessing O amor ás bibliotecas, como a maioría dos amores, débese aprender.                                                                                      Alberto Manguel     Se cerca da biblioteca tedes un xardín, xa non vos faltará nada.                                                                                     Cicerón En ocasións, penso que o premio dos que escribimos dorme, tímido e virxinal, no confuso corazón do lector máis lonxano.                                                            

Envía as túas creacións antes do 12 de novembro e participa no XVI Concurso de poesía Anomar! Bases Xvi Anomar (1) by sondenoso on Scribd

O martes, 29 de outubro , ás 18:30 h, teremos unha xuntanza na biblioteca do Centro para compartir café e impresións arredor de  O último barco , Agardámoste!

Cada 30 de setembro, dende 1991, celébrase o Día Internacional da Tradución para render homenaxe ao importante labor que tradutores e tradutoras desenvolven nun mundo cada   vez máis globalizado. Da boa saúde dunha lingua dan conta, entre outros factores, o número de traducións realizadas e, neste sentido, o galego é aínda unha lingua rexa, xa que se atopa entre as 50 linguas do mundo por número de libros traducidos.   En Bivir, a Biblioteca Virtual da Literatura Universal en Galego , podes acceder a algúns deles. Longa vida!

Os nosos clubs Palabras compartidas, Poza dos libros (Bar de lecturas) e XelmilectorXs deséxanche un bo verán. Que a lectura te acompañe!

Parabéns a Laura Murado, que acadou un 3º premio autonómico no certame de relato curto "Jóvenes talentos". Moito talento hai no Xelmírez!

Parabéns a Cecilia Segade Fergús, alumna de 2º ESO, gañadora dun 3º premio no concurso de relato curto Novos Talentos de Coca Cola. Que este sexa o inicio dunha longa e premiada traxectoria!

Achégate mañá ás 18:00h á biblioteca e terás ocasión de coñecer un pouco mellor a Marité, Adela, Santi, Adolfo, Paco, Tupé... e todos os personaxes que cobran vida neste engaiolante relato.  Farémolo da man do seu creador: Manuel Portas. Agardámoste!

Todos os vellos contan historias. O meu avó paterno tamén acostumaba facelo e, como case todos os galegos que coñezo, narraba de viva voz cunha emoción tan auténtica que parecía que contaba cada historia por primeira vez, inclusive a si mesmo. Non era certo: repetíaas con frecuencia, pero a pesar de que todos as coñeciamos de memoria, tíñanos pendentes duns relatos que mesmo agora se seguen contando na mesa, aínda que el xa non estea. Cando eu era un rapaz, A Estrada tiña Instituto. Eran outros tempos, os profesores eran moi duros, pegaban e todo se aprendía de memoria. Pero un, o señor Fraguas, era radicalmente diferente aos demais. De familia campesiña humilde (falaba galego mellor que castelán), ao mirarlle os ollos vías a unha boa persoa, e ao escoitalo, a un sabio. E ademais, queríanos. Tiña uns trinta anos e xa era catedrático, o único do Instituto. Daba xeografía, aínda que para el iso incluía todo o que nos rodeaba. Levábanos continuamente de excursión e ensinábanos o nom